У Грэцыі пачалася забастоўка ў знак пратэсту супраць нечаканага закрыцця дзяржтэлерадыёкампаніі

Стачка прадоўжыцца суткі і завершыцца акцыямі пратэсту. Пра закрыццё карпарацыі работнікам паведамілі ўсяго за некалькі гадзін. Урад растлумачыў сваё рашэнне імкненнем сэканоміць, абвінаваціўшы кампанію ў растраце грошай. Работнікі ERT адмовіліся пакінуць офіс у Афінах і працягваюць вяшчанне ў рэжыме анлайн. Між тым закрыццё масмедыя ўвяло ўрад у крызіс - дзве партыі адмовіліся падтрымаць гэтае рашэнне і прыгразілі запатрабаваць новых выбараў. Тым часам улады заяўляюць, што Грэчаская карпарацыя тэлерадыёвяшчання адновіць работу, але ўжо з меншай колькасцю супрацоўнікаў.