Акт аб капітуляцыі Германіі ўступіў у сілу 8 мая 1945 года ў 22:43 па цэнтральнаеўрапейскім часе. Ваенныя дзеянні былі спыненыя ў 23:01. У сталіцы СССР Маскве на той момант ужо надышло 9 мая. Таму ў еўрапейскіх краінах памятныя мерапрыемствы праходзяць на дзень раней. Па рашэнні ААН, 8 і 9 Мая абвешчаныя Днямі памяці і прымірэння.
Яны былі выклятымі ворагамі - рускі Валянцін Іваноў і немец Карл Куль. 93-гадовы масквіч прайшоў вайну ў савецкіх артылерыйскіх часцях, 90-гадовы жыхар нямецкага горада Драяйха ваяваў у зенітнай артылерыі люфтвафе. Але час лечыць - праз доўгія гады былыя салдаты варагуючых армій сталі сябрамі, таму што абодва ваявалі не па сваёй волі.
Карл у канцы вайны быў узяты ў палон, пяць гадоў працаваў на савецкіх вуглездабыўных шахтах. Іван чатырохразова быў паранены, страціў руку ў баях за Познань, але не помсціў - свята шанаваў чалавечае жыццё. Успаміны знайшлі адлюстраванне ў сумесных мемуарах сяброў Адна вайна - два лёсы.
Гістарычная справядлівасць адноўленая. У Ірландыі ў гонар Дня Перамогі амнісціравалі больш за 5 тысяч ветэранаў Другой сусветнай, якія змагаліся на баку антыгітлераўскай кааліцыі ў брытанскіх і амерыканскіх войсках. На радзіме іх прызналі дэзертырамі і адкрыта дыскрымінавалі. Толькі праз 68 гадоў парламент адобрыў доўгачаканы законапраект. Але большасці ветэранаў так і не прыйшлося заслужана здабыць добрае імя пры жыцці.
Дзень перамір'я і адначасова Дзень Перамогі над фашысцкай Германіяй. Сёння даніну памяці загінуўшым у баях за вызваленне аддаюць у Парыжы і Бруселі.
Рускі салдат Валянцін Іваноў не раз паўтарае: Спадзяюся, што больш нікому і ніколі не давядзецца пісаць свае ўспаміны аб вайне. Нямецкі артылерыст Карл Куль жадае маладым ніколі не ўдзельнічаць у войнах і жыць у міры.
