Перш за ўсё прытрымліванне Канстытуцыі. Гэта заявіў першы намеснік старшыні Еўракамісіі Франс Тымерманс, адкрываючы дэбаты ў Еўрапарламенце, прысвечаныя каталонскаму рэферэндуму.
Ён падкрэсліў, што Еўракамісія працягвае лічыць плебісцыт аб незалежнасці Каталоніі незаконным, і адзначыў: "Калі закон не прапаноўвае вам таго, чаго вы б хацелі, вы можаце працаваць, каб змяніць закон, але вы не маеце права яго ігнараваць". Нагадаем, рэферэндум у Каталоніі быў праведзены ў нядзелю. Улады рэгіёна заявілі, што 90 працэнтаў з тых, хто змог прагаласаваць, выказаліся за незалежнасць ад Іспаніі. Мадрыд не прызнаў ні рэферэндум, ні вынікі галасавання. Еўрасаюз заявіў аб намеры папярэдзіць улады Каталоніі, што рэгіён не зможа аўтаматычна застацца ў Еўрасаюзе ў выпадку аднабаковага выхаду са складу Іспаніі.
