Лізавета Казакова- пра тое, ці магчымы кампраміс.
Раніцай паліцыя Егіпта ачысціла ад ісламістаў адну з плошчаў Каіра. Прыхільнікаў зрынутага прэзідэнта Мурсі, якія разбілі там лагер, неаднаразова папярэджвалі аб магчымых сілавых мерах. А напярэдадні апавясцілі насельніцтва мясцовых кварталаў - зачыніць вокны і дзверы і не выходзіць на вуліцу. Падчас аперацый перад каірскім універсітэтам і каля найбліжэйшай мячэці паліцэйскія выкарысталі слёзатачывы газ, завязалася страляніна. Пазней у палатках пратэстантаў была знойдзеная баявая зброя. Але небяспечная ланцуговая рэакцыя пайшла па ўсёй краіне. У егіпецкіх гарадах падпальваюць хрысціянскія цэрквы. Ці атрымаецца кіруючым вайскоўцам прывесці грамадства да кампрамісу, да новых выбараў - мінімум паўгода. І ўжо цэлыя два гады егіпцяне ў замкнёным коле.
Гіда Вестэрвеле, міністр замежных спраў Германіі: Мы надзвычай занепакоеныя навінамі з Каіра, але пакуль не вывучылі сітуацыю цалкам. Гэта вельмі небяспечны ўсплёск гвалту на фоне гарачай палітычнай сітуацыі ў Егіпце. Мы звяртаемся да пераходнага ўрада дазволіць мірныя пратэсты. Ад іншага боку чакаем, што яны спыняць заклікі да гвалту.
Заклікі прадстаўнікоў еўрапейскай дыпламатыі абсалютна прадказальныя: спадзяючыся на нейкую дэмакратыю, яны просяць часовы ўрад дазволіць мірныя выступленні. Па-першае, усе добра памятаюць, як звярталіся з удзельнікамі той жа акцыі Акупуй Еўрацэнтрабанк.
Па-другое, егіпецкія ўлады ведаюць, што для ўсеагульнага крывавага пажару - для так званага мірнага пратэсту досыць іскры. Тым больш, ёсць факты затрыманняў замежных шпіёнаў-правакатараў. Яны паспяхова працуюць і на тэрыторыі іншых краін Арабскай дугі.
Напярэдадні каля 40 тысяч выйшлі на вуліцы Туніса, выступаючы супраць кіруючай ісламскай партыі Ан-Нахда. Туніс - першая ластаўка арабскай вясны - калісьці быў самым свецкім у арабскім свеце.
