Як мінімум 235 чалавек загінулі і яшчэ некалькі дзясяткаў атрымалі раненні ў выніку тэракта ў мячэці Егіпта. Сярод ахвяраў - шмат дзяцей. У сувязі з крывавай атакай у Егіпце аб’яўлена трохдзённая жалоба.
Трагедыя адбылася ў мячэці, якая знаходзіцца на захад ад горада эль-Арыш - сталіцы правінцыі Паўночны Сінай. Тэрарысты атакавалі вернікаў падчас малітвы. Спачатку яны прывялі ў дзеянне ўзрыўное прыстасаванне, пасля чаго сталі расстрэльваць вернікаў.
