У Давосе адкрыўся 47-ы Сусветны эканамічны форум

Пераасэнсаванне глабальнай кааперацыі і наданне новага імпульсу сусветнай эканоміцы. Сёння ў Давосе адкрыўся найбуйнейшы Сусветны эканамічны форум, 47-ы. Сёлета ў невялікі гарадок на ўсходзе Швейцарыі з'ехалася рэкордная колькасць удзельнікаў - каля трох тысяч. І ўпершыню ў гісторыі на форум прыбыў старшыня КНР Сі Цзіньпін. Яму і выпаў гонар адкрыць значную сустрэчу. У зале - некалькі дзясяткаў прэзідэнтаў і кіраўнікоў урадаў, кіраўнікі міжнародных арганізацый і знакамітыя грамадскія дзеячы. Часцей за ўсё абмяркоўваюцца самыя вострыя сусветныя праблемы: ад аховы навакольнага асяроддзя да барацьбы з тэрарызмам. Дарэчы, за бяспеку гасцей у Давосе адказваюць пяць тысяч салдатаў. Праца форуму падоўжыцца да 20 студзеня.