У Чэхіі адмянілі абавязковае нашэнне масак

Татальны адыход ад абмежаванняў. У Чэхіі адмянілі абавязковае нашэнне маскі ў грамадскіх месцах. Праўда, у памяшканнях сродак абароны пакуль яшчэ прыйдзецца ўжываць. Але прагулкі або заняткі спортам зараз не павінны абавязкова быць са спецнакладкай на твары. Мера вельмі дарэчы: у краіне пачынаецца сезон катання на лодках.

Адмена абмежаванняў працягваецца 

Адмаўляцца ад абмежаванняў, нягледзячы на захаванне прыросту хворых, працягваюць і ў іншых краінах. Па ўсёй Еўропе пачынае аднаўляцца ўнутраны турызм. У Партугаліі зарабілі трэнажорныя залы. Шэраг гатэляў, а таксама музеі, бібліятэкі, археалагічныя і гістарычныя помнікі, парты адкрываюцца на Кіпры. У Іерусаліме зноў можна наведваць мячэць Аль-Акса.