У Будапешце тысячы венграў выйшлі на мітынг, незадаволеныя новым законам аб працы

Дакумент прадугледжвае дадатковыя дзве гадзіны да рабочага дня або дадатковы рабочы дзень на тыдні. Згодна з законапраектам, работадаўцам гарантуюцца дадатковыя звышурочныя 250 гадзін за год на кожнага работніка. На астатнія гадзіны ім прыйдзецца атрымаць згоду супрацоўніка. Дэманстранты планавалі пайсці на галоўную плошчу ля парламента, але паліцыя яе перакрыла, і людзі занялі галоўную вуліцу сталіцы, якая вядзе да будынка венгерскага ўрада.