У Бруселі адкрылася станцыя метро "Мальбек"

У Бруселі адкрылася станцыя метро "Мальбек", зачыненая пасля тэрактаў 22 сакавіка. І з гэтага дня падземка бельгійскай сталіцы перайшла на звычайны графік працы. Урон ад выбуху ля станцыі "Мальбек" ацэньваюць у 160 мільёнаў еўра - гэта страхавыя выплаты сем'ям загінуўшых і пацярпелым, а таксама матэрыяльныя страты, нанесеныя самому метрапалітэну. Тэракт у брусельскай падземцы забраў каля 20 жыццяў. Яму папярэднічалі два выбухі ў аэрапорце. Усяго загінулі 32 чалавекі.