Кіраўнік брытанскага МЗС апынуўся ў няёмкім становішчы. Прычынай стала прызнанне кіраўніка хімічнай лабараторыі ў Портан-Даўне пра тое, што спецыялісты так і не ўстанавілі краіну паходжання атрутнага рэчыва. Міністр сцвярджаў раней са спасылкай на гэтую ж лабараторыю, што крыніцай небяспечнага газу была Расія. Пазіцыю члена ўрада крытыкуе лідар апазіцыі Джэрэмі Корбін.
Джэрэмі Корбін, лідар Лейбарысцкай партыі Вялікабрытаніі: "Борыс Джонсан катэгарычна сцвярджаў, здаецца, ён сказаў: "Упэўнены на 101 працэнт", што рэчыва паходзіць з Расіі. А Портан-Даўн гэтага не гаварыў. Паводле іх слоў, яны ідэнтыфікавалі "Навічок", але не могуць вызначыць, адкуль ён. Гэта значыць, альбо ў міністра ёсць інфармацыя, якой ён не дзеліцца з Портан-Даўнам, альбо ён некалькі перабольшыў".
4 сакавіка экс-палкоўнік ГРУ і яго дачка былі атручаныя нервова-паралітычным рэчывам у англійскім Солсберы. Адразу ў дачыненні да інцыдэнту абвінавацілі Маскву. Расія ўсе спекуляцыі на гэты конт катэгарычна адмаўляе.
