У Бельгіі ў горадзе Іпр падарвалася граната Першай сусветнай вайны

Загінулі два чалавекі, яшчэ двое атрымалі раненні. Стан аднаго з іх медыкі ацэньваюць як крытычны. Інцыдэнт адбыўся на будаўнічай пляцоўцы: працоўныя спрабавалі выняць гранату з зямлі. Месца здарэння ачэплена паліцыяй, працуе брыгада ўзрыватэхнікаў. Заходняя Фландрыя шматразова падвяргалася абстрэлу войскаў Германіі на працягу Першай сусветнай вайны, і снарады, якія не разарваліся, дагэтуль часта сустракаюцца пры вядзенні будаўнічых работ.