У аэрапорце Стамбула абверглі інфармацыю аб закрыцці тэрмінала з-за пагрозы тэракта

У міжнародным аэрапорце імя Атацюрка ў Стамбуле абверглі інфармацыю СМІ аб закрыцці тэрмінала з-за пагрозы тэракта. Падкрэсліваецца, што паветраная гавань працуе ў штатным рэжыме. Раней турэцкае выданне Sabah паведаміла, што ў будынку шукаюць бомбу, і навіну хутка распаўсюдзілі інфармагенцтвы. Нагадаем, гэтым летам стамбульскі аэрапорт пацярпеў у выніку некалькіх інцыдэнтаў. 28 чэрвеня тры тэрарысты-смяротнікі ўзарвалі сябе на тэрыторыі тэрмінала. Загінулі 45 чалавек, каля 240 атрымалі раненні. А ў ноч на 16 ліпеня будынак быў захоплены ваеннымі мяцежнікамі, але ўрадавыя сілы аператыўна выбілі іх з паветранай гавані.