Хлопец, які ўчыніў бойню ў керчанскім каледжы, захапляўся стварэннем выбуховых прыстасаванняў

18 Кастрычніка 2018

Як паведамілі прадстаўнікі антытэрарыстычнага камітэта, малады чалавек хваліўся сваім знаёмым. Цалкам магчыма, што бомбу стралок сабраў па схемах з Інтэрнэту.

Апошняя інфармацыя з Керчы. Усе ахвяры трагічных падзей апазнаныя. На сённяшні дзень колькасць загінуўшых складае ўжо 20 чалавек, з іх 15 - студэнты. Яшчэ 68 атрымалі траўмы.

У бальніцах зараз застаюцца 44 чалавекі, 7 з якіх у вельмі цяжкім стане. З пацярпелымі (таксама, як і з іх блізкімі) бесперапынную работу вядуць псіхолагі.

Нагадаем, напярэдадні ў політэхнічным каледжы ў Керчы навучэнец 4-га курса 18-гадовы Уладзіслаў Раслякоў узарваў самаробную бомбу, а затым адкрыў страляніну. Падлетак пранёс у каледж стрэльбу і два рукзакі, набітыя патронамі. У Сетцы размясцілі жудасныя кадры, знятыя навучэнцамі каледжа ў першыя хвіліны пасля нападу.

Пасля ўчыненай расправы злачынец пакончыў з сабой. Яго матывы дагэтуль невядомыя. Паводле адной з версій, на злачынства маладога чалавека мог падштурхнуць канфлікт з настаўнікамі.

Святлана Пятрэнка, афіцыйны прадстаўнік Следчага камітэта Расіі: "Зараз на месцы працягвае працаваць следча-аператыўная група, канфіскоўваюцца прадметы і сляды, якія маюць значэнне для расследавання, працягваюцца допыты сведак і відавочцаў. У найбліжэйшы час будуць прызначаны судова-медыцынскія і іншыя экспертызы".

Сёння ў Крыме пачынаецца трохдзённая жалоба. Па загінуўшых смуткуе і ўвесь свет. Заняткі ў Керчынскім політэху адменены, аднак школьнікі і студэнты іншых навучальных устаноў выйдуць на заняткі як звычайна. У гарадской адміністрацыі паведамляюць: школы і дзіцячыя сады будуць пад узмоцненай аховай, у тым ліку супрацоўнікаў Расгвардыі.


Папулярныя

Рэкамендуемыя

Зараз чытаюць

Рэкамендуемыя