Ураган "Фрэдэрыке" ў адной толькі Германіі забраў жыцці 9 чалавек, а ўрон ад непагадзі склаў паўмільярда еўра. Разбуральны шторм стаў самым моцным у краіне за апошнія 10 гадоў. Хуткасць ветру ў некаторых рэгіёнах дасягае больш як 200 км за гадзіну. Былі спыненыя чыгуначныя зносіны, у аэрапортах адмянілі дзясяткі рэйсаў.
Тым не менш, у такіх экстрэмальных умовах некаторым самалётам дазваляюць пасадку. Так, у YouTube з'яўляюцца відэа, на якім пілоты паказваюць усё сваё майстэрства, саджаючы самалёты пры ўраганным ветры, хуткасць якога дасягае 120 кіламетраў за гадзіну. На гэтых кадрах відаць, як шторм ледзь не разварочвае самалёт, аднак лайнер усё ж змог прызямліцца.
