Туркменістан сёння адзначае Дзень нейтралітэту

12 Снежня 2018

Туркменістан адзначае другое па значнасці дзяржаўнае свята - Дзень нейтралітэту. Па ўсёй краіне плануецца правядзенне святочных мерапрыемстваў. Віншаванні туркменскаму лідару Гурбангулы Бердымухамедаву з нагоды асаблівага дня накіраваў Кіраўнік беларускай дзяржавы Аляксандр Лукашэнка. Галоўныя ўрачыстасці паводле традыцыі пройдуць у Ашхабадзе. Туркменістан прытрымліваецца прынцыпаў нейтральна-прававога статусу з 95-га года. Адпаведная рэзалюцыя, прынятая ААН, замацаваная ў асноўным законе дзяржавы.