У Белым доме ўзмацнілі правілы давання прытулку нелегалам.
Паводле падпісанага сёння ўказа прэзідэнта ЗША Дональда Трампа, асобы, якія пазапраўна перайшлі мяжу Злучаных Штатаў з Мексікай, не змогуць падаваць дакументы на статус бежанца ў ЗША. Хоць паводле правілаў, якія дзейнічалі раней, бежанцы з іншых краін маглі запрасіць прытулак на працягу года пасля прыбыцця ў Штаты. Меры гэтыя, праўда, не закрануць дзяцей-замежнікаў, якія трапілі на тэрыторыю краіны без суправаджэння бацькоў. З'яўленне ўказа звязана з караванам мігрантаў, які набліжаецца да мяжы ЗША з Мексікай. Міністэрствам абароны ЗША ў канцы кастрычніка на мяжу было адпраўлена звыш пяці тысяч вайскоўцаў для стрымлівання каравана мігрантаў. Усяго Пентагон можа размясціць на мяжы да 15 тысяч салдат.
