Трагедыя ў Керчанскім політэхнічным каледжы трапіла на камеры відэаназірання.
Новыя запісы выклікаюць шок. На кадрах дакладна бачна, як студэнт 4 курса Уладзіслаў Раслякоў заходзіць у навучальную ўстанову праз запасны неахоўны ўваход. Малады чалавек апрануты ў белую майку з надпісам "нянавісць", пры ім спартыўная сумка, у якой ляжыць стрэльба і выбуховыя прыстасаванні. Далей Раслякоў бесперашкодна ўстанаўлівае бомбы ў розных частках каледжа і паднімаецца на 2 паверх. У гэты час пачынаецца перамена. Грымяць выбухі. А стралок працягвае рух па калідоры, расстрэльваючы ўсіх на сваім шляху. Праваахоўнікі не выключаюць, што ў злачынца мог быць саўдзельнік. На запісах камер некалькі разоў фігуруе адзін і той жа малады чалавек. Раслякоў спачатку з ім вітаецца, затым юнакі былі заўважаныя разам у калідоры. Нагадаем, ахвярамі стральбы стаў 21 чалавек, яшчэ 50 атрымалі раненні. Улады Крыма не выключаюць, што корпус Керчанскага політэхнічнага каледжа не будзе адноўлены і стане мемарыялам.
