Тарнада ў амерыканскім штаце Аклахома быў максімальнай магутнасці ў гісторыі гэтых прыродных з'яў. Хуткасць ветру ўнутры варонак перавышала 320 кіламетраў за гадзіну. Шырыня смерчу склала каля 2 кіламетраў. Ён знаходзіўся на зямлі крыху менш чым гадзіну, але паспеў пакінуць паласу разбурэнняў на 27 кіламетраў. Навукоўцы падлічылі, што энергія, якая вызвалілася пры праходжанні тарнада, у восем разоў перавышала магутнасць бомбы, скінутай на Хірасіму. Паводле апошніх звестак, сярод загінуўшых 24 чалавекі, але ўлады гавораць, што спіс не канчатковы, бо разбор завалаў працягваецца. Жывымі з-пад абломкаў змаглі дастаць больш як сто чалавек.