Стральба ў парламенце Гаіці: ёсць ахвяры

Стральба ля парламента Гаіці. Адзін з сенатараў з пісталета параніў двух чалавек, у тым ліку фатографа агенцтва "Асашыэйтэд Прэс". Як паведамляе мясцовая прэса, Жан-Мары Ральф Фецье растлумачыў свае дзеянні абаронай ад дэманстрантаў, якія нібы ўварваліся ў будынак парламента. Адбылося гэта насамрэч ці не - не ўдакладняецца. У выніку інцыдэнту была сарвана працэдура галасавання па кандыдатуры прэм'ера, прызначанага ў канцы ліпеня прэзідэнтам. Карыбская рэспубліка жыве без зацверджанага ўрада ўжо паўгода.