Страшная трагедыя Новай Зеландыі

Паліцыя Новай Зеландыі прад'явіла абвінавачанне ў забойстве мужчыну, затрыманаму пасля атакі на мячэці ў горадзе Крайстчэрч. Ён паўстане перад судом 16 сакавіка. Меркаваны арганізатар масавага расстрэлу - 28-гадовы аўстраліец Брэнтан Тарант вёў прамую трансляцыю бойні ў Fасеbооk. Нагадаем, трагедыя адбылася адразу пасля дзённай малітвы. Паводле слоў відавочцаў, невядомыя заблакіравалі выхады і прыняліся без разбору страляць па людзях. Зараз паліцыя ўстанаўлівае, ці звязаныя з нападзеннямі яшчэ трое затрыманых з агнястрэльнай зброяй. Усяго загінулі 49 чалавек, звыш 50 параненыя. Ахвяраў магло быць больш. Сілавікі своечасова абясшкодзілі самаробныя бомбы ў прыпаркаваных аўто. Пазней была ачэпленая трамвайная станцыя, дзе знішчылі яшчэ дзве бомбы.

Алі Эрбаш, старшыня ўпраўлення па справах рэлігіі Турцыі: "На жаль, сёння ў Новай Зеландыі дзясяткі братоў-мусульман былі забітыя ў выніку жудаснага нападзення на мячэці падчас пятніцкіх малітваў. Жорсткія нападзенні на вернікаў паказваюць, што фашызм і нецярпімасць ператварыліся ў нялюдскасць. У апошнія гады нарастаючая ісламафобія на захадзе хутка ператварылася ў варожасць, таму што не былі прынятыя неабходныя меры".

Пpэм'ер-міністр краіны Xacіндa Apдэpн нaзвaла інцыдэнт тэрарыстычным актам і адным з "caмыx змрочных дзён" у Hoвай Зeлaндыі. Спачуванне генерал-губернатару Новай Зеландыі Пэтсі Редзі, родным і блізкім загінуўшых, а таксама словы падтрымкі і пажаданні скарэйшай папраўкі пацярпелым накіраваў Прэзідэнт Беларусі. Аляксандр Лукашэнка адзначыў, што жудасны акт гвалту яшчэ раз даказвае неабходнасць самым рашучым чынам змагацца супраць любых праяў тэрарызму і нецярпімасці. "Нішто не можа апраўдаць дзеянняў, якія вядуць да смерці нявінных людзей", - гаворыцца ў спачуванні.