У гэтыя хвіліны стартуе экстраннае пасяджэнне Савета Бяспекі ААН адносна сітуацыі ў Азоўскім моры, якая абвастрылася. Сустрэчу адначасова запрасілі Расія і Украіна. А ў Кіеве зараз працягваецца пасяджэнне Вярхоўнай рады – ёй трэба будзе адобрыць падпісаны Парашэнкам указ аб увядзенні ваеннага становішча тэрмінам на 60 дзён. Аднак з першай спробы гэта зрабіць не ўдалося, таму што дэпутаты выявілі, што распаўсюджаны ў Радзе праект указа адрозніваецца ад праекта, размешчанага на сайце прэзідэнта. У ім выявілася, што разам з ваенным становішчам уводзяцца абмежаванні на правы і свабоды грамадзян, што фактычна зрывае паўнавартасны ўдзел у маючых адбыцца прэзідэнцкіх выбарах кандыдатаў ад розных палітычных сіл. Пасля абурэння дэпутатаў прэзідэнт прапанаваў скараціць тэрмін ваеннага становішча да 30 дзён. Канчатковае рашэнне яшчэ не прынята. Нагадаем, напярэдадні расійскім бокам былі затрыманы судны, што належаць украінскім Ваенна-марскім сілам, - два бранякатары "Бярдзянск" і “Нікаполь”, а таксама буксір "Яны Капу". Як сцвярджае расійскі бок, яны спрабавалі прайсці без дазволу, з-за чаго была прыменена сіла. Згодна з заявамі Масквы, інцыдэнт у Керчанскім праліве - гэта спланаваная правакацыя Кіева. У Кіеве ж абвінавачваюць Расію ў агрэсіі.
