ЗША прад'явілі КНДР патрабаванні па 47 пунктах

ЗША ў рамках дамовы з КНДР аб дэнуклеарызацыі прад'явілі патрабаванні па 47 пунктах. Пра гэта заявіў кіраўнік японскага МЗС Тара Кона ў інтэрв'ю тэлеканалу NHK. Умовы ўключаюць поўную ліквідацыю ядзернай, хімічнай, біялагічнай зброі, а таксама ракет. Калі яны не будуць выкананыя, то Вашынгтон не зніме санкцыі ў дачыненні да Паўночнай Карэі. Нагадаем, на гэтым тыдні ў Сінгапуры лідары ЗША і КНДР падпісалі гістарычнае пагадненне, дзе зафіксавана гатоўнасць Пхеньяна пайсці на поўную дэнуклеарызацыю Карэйскага паўвострава.