Пошукі бостанскіх тэрарыстаў пакуль не ўвянчаліся поспехам. За карысную інфармацыю ўлады абяцаюць 50 тысяч долараў. Следства разглядае некалькі версій трагедыі. Людзі задаюцца пытаннем: гэта помста фанатыка або дзёрзкая вылазка радыкальнай сеткі? Літаральна ўчора прагрымеў новы ўзрыў - у горадзе Атланта, штат Джорджыя. Пацярпелы мужчына шпіталізаваны з апёкамі. Выбух раздаўся, калі малады чалавек раскрыў пакет, што ляжаў на тратуары. Інцыдэнтам займаюцца агенты ФБР.
Ці ёсць гарантыі, што і заўтра падобнае ў ЗША не паўторыцца?
Расказвае Лізавета Казакова.
У тым, што гэта былі тэракты, не сумняваліся ў першыя ж секунды пасля выбухаў. Пазней высветлілася: выраблены выбуховыя прыстасаванні былі з бытавых скараварак. Паражальныя элементы - металічныя шарыкі - былі накіраваныя на тое, каб пакалечыць як мага больш людзей. Адарваныя канечнасці альбо пагроза ампутацыі. І трое загінуўшых - служачая рэстарана з Мэдфарда, студэнтка з Кітая і 8-гадовы хлопчык, 7-гадовая сястра якога страціла нагу.
У горадзе было абясшкоджана яшчэ некалькі бомб у смеццевых баках па ходзе марафонскай трасы. Усяго ў адным з самых прэстыжных і старых забегаў удзельнічалі больш чым 27 тысяч чалавек, у момант тэракта фінішавалі некалькі дзясяткаў спартсменаў-аматараў. Яны назаўжды траўміраваныя гэтым кашмарам, а ўся Амерыка агорнутая жалобай і панікай.
Для Карласа гэта не першая трагедыя ў жыцці. Калі яго 20-гадовы сын быў забіты ў Іраку ў 2004-м, гэты чалавек у роспачы падпаліў свой фургон. Праз сем гадоў яго другі сын пакончыў з сабой. Першыя сумна прывычныя для амерыканцаў версіі бостанскай трагедыі - гэта Аль-Каіда, гэта варожы Іслам. Згодна з іншай версіяй, гэта можа быць справа рук псіхічна ненармальнага чалавека. Але можа быць так хтосьці помсціць за амерыканскія войны або за ўласны ўдзел у іх? За гэтым можа стаяць і радыкальная група. Паводле звестак ФБР, у ЗША за апошнія гады рэзка павялічылася колькасць прыхільнікаў ультраправых арганізацый. Калі ў 2008-м такіх аб'яднанняў налічвалася каля 150-ці, то сёння ксенафобія разрастаецца - іх пад паўтары тысячы. У афіцыйных дакладах яны фігуруюць як адзінокія ваўкі, здольныя дэстабілізаваць становішча ў грамадстве. Зараз ФБР вывучае фота- і відэасведчанні інцыдэнту. Да расследавання падключыліся ЦРУ і Нацыянальны антытэрарыстычны цэнтр. Улады назвалі выбухі баязлівым злачынствам. 18 красавіка ў Бостане пройдзе жалобная цырымонія. Флагі па ўсёй краіне будуць прыспушчаныя да 20 чысла.