Амерыканскі прэзідэнт папярэдзіў, што гэта адбудзецца, калі Расія і Кітай не зменяць сваю лінію паводзін. Кіраўнік Белага дома лічыць, што дагаворам аб ліквідацыі ракет сярэдняй і меншай далёкасці павінны быць абхоплены не толькі ЗША і Расія, але таксама і Кітай.
Ён паўтарыў свае абвінавачанні ў адрас Масквы ў парушэнні пагаднення 30-гадовай даўнасці. У суботу Дональд Трамп папярэдзіў, што Штаты плануюць выйсці. У сваю чаргу саветнік амерыканскага лідара па нацбяспецы Джон Болтан паведаміў, што кансультацыі з расійскім бокам з нагоды гэтага дагавора яшчэ працягваюцца.