Тэрміновыя навіны прыходзяць з ЗША

Пасажыраў і супрацоўнікаў міжнароднага аэрапорта Лос-Анджэлеса эвакуіруюць з-за перастрэлкі. Як паведамляе тэлеканал CBS, невядомы мужчына адкрыў страляніну з вінтоўкі ў адным з тэрміналаў. Паводле непацверджаных пакуль дадзеных, загінулі два чалавекі. Ці ёсць сярод іх злачынец - невядома. Відавочцы гавораць, што чулі каля дзесяці стрэлаў. Людзі хаваліся пад крэсламі, хтосьці ў паніцы выбягаў на вуліцу. Зараз у аэрапорт прыбываюць дзясяткі супрацоўнікаў сіл бяспекі. Прычыны і акалічнасці інцыдэнту высвятляюцца.