Спецслужбы Расіі і Егіпта будуць цесна ўзаемадзейнічаць у пошуку віноўных у тэракце

Спецслужбы Расіі і Егіпта будуць цесна ўзаемадзейнічаць у пошуку віноўных у тэракце ў небе над Сінаем. Аб гэтым падчас тэлефоннай гутаркі дамовіліся прэзідэнты дзвюх краін. Уладзімір Пуцін і Абдэль Фатах Аль-Сісі падкрэслілі першачарговую важнасць аб'яднання намаганняў усёй міжнароднай супольнасці ў барацьбе з тэрарызмам. Як перадае ТАСС, егіпецкі бок асабліва падкрэсліў, што цяперашні этап як ніколі патрабуе ўзгодненых намаганняў абедзвюх краін на аснове ўсёабдымнага міжнароднага падыходу супраць тэрарызму і экстрэмізму, які стукнуў па ўсіх дзяржавах без выключэння. Размова ў дадзеным выпадку ідзе аб дадатковых мерах гарантавання максімальнай бяспекі авіязносін паміж Расіяй і Егіптам для іх скарэйшага аднаўлення. Паміж тым, усе расійскія турысты на дадзены момант ужо павінны былі вярнуцца з Егіпта.