Бельгійскія паліцэйскія пры падтрымцы снайпераў правялі спецаперацыю ў шэрагу прыгарадаў Бруселя. Сёння падчас рэйду быў акружаны адзін са шматкватэрных будынкаў у раёне Этэрбек. Яго жыхароў эвакуіравалі. У будынку прайшоў вобыск з удзелам каманды сапёраў.
Напярэдадні ў Бруселі быў затрыманы меркаваны памагаты арганізатараў тэрактаў у Парыжы і Бруселі. Гэта Мухамед Абрыні. А сёння паліцыяй быў арыштаваны шосты падазроны ў арганізацыі тэракта ў Бруселі 22 сакавіка. Гэта Біляль эль-Махухі. Ён ужо быў асуджаны па гучнай справе аб тэрарыстычнай групоўцы. Радыкалы займаліся вярбоўкай добраахвотнікаў у Сірыю.
