Савет Бяспекі ААН можа сёння прагаласаваць па праекце рэзалюцыі ЗША па Сірыі

Савет Бяспекі ААН можа ўжо сёння прагаласаваць па праекце рэзалюцыі ЗША аб заснаванні новага механізма расследавання выпадкаў прымянення хімзброі ў Сірыі. Паведамляецца, што Штаты могуць вынесці на галасаванне дакумент, які не падтрымае Расія, што валодае правам вета. Расійскі пастаянны прадстаўнік пры ААН Васіль Нябензя ўжо адзначыў, што праект утрымлівае шэраг непрымальных элементаў, а відэазапісы, якія апазіцыйныя групоўкі Сірыі выдавалі за сведчанне прымянення хімзброі ў горадзе Дума, носяць відавочна пастановачны характар. Ці будзе Расія сёння выстаўляць на галасаванне свой праект рэзалюцыі, пакуль невядома.