Сотні тысяч чалавек развіталіся з былым прэзідэнтам Ірана

Алі Акбар Хашэмі Рафсанджані памёр у нядзелю ва ўзросце васьмідзесяці двух гадоў ад сардэчнага прыступу. Жалобная цырымонія адбылася ва ўніверсітэце Тэгерана. Сярод прысутных былі цяперашнія прадстаўнікі ўлады краіны, палітыкі і вайскоўцы. Пахавалі Рафсанджані ў маўзалеі Хамейні побач з магілай заснавальніка Ісламскай Рэспублікі Іран. Словы спачування ў сувязі са смерцю Алі Акбара Хашэмі Рафсанджані лідару і ўсяму іранскаму народу выказаў Прэзідэнт Беларусі Аляксандр Лукашэнка.