Раней было зачынена амерыканскае пасольства на тэрыторыі гэтай дзяржавы, а сёння ўжо ідзе эвакуацыя супрацоўнікаў дыпмісіі. Узровень пагрозы ацэньваюць як максімальны. Амерыканскія пасольствы на Блізкім Усходзе і ў Паўночнай Афрыцы не будуць працаваць яшчэ тыдзень - да суботы. Прыкладу ЗША рушылі ўслед таксама ўлады Вялікабрытаніі, Францыі, Германіі, Канады і Нарвегіі.
Так што ж выклікала такую сусветную трывогу - у сюжэце Вольгі Давідовіч.
Амерыканскі Дзярждэпартамент забіў трывогу яшчэ ў канцы мінулага тыдня - пасля таго, як амерыканскай разведцы, нібы, атрымалася перахапіць паведамленне кіраўніка Аль-Каіды Аймана аз-Завахіры, прызначанае яго паслядоўнікам на Аравійскім паўвостраве. Паводле некаторых звестак, Завахіры даў загад пачаць дзеянні. Прэс-сакратар Белага дома Джэй Карні, нягледзячы на пытанні журналістаў - якія канкрэтна дзеянняі і дзе менавіта, у дэталі ўдавацца не стаў.
Джэй Карні, прэс-сакратар Белага дома: Я не ўпаўнаважаны абмяркоўваць дадзеныя, атрыманыя нашай разведкай. Скажу толькі, што яны даюць падставы меркаваць: небяспека вялікая, таму мы падыходзім да яе з усёй сур'ёзнасцю і прадпрымаем дзеянні, загаданыя Дзяржаўным дэпартаментам з меркаванняў бяспекі.
Паводле дадзеных амерыканскіх СМІ, гэта адна з самых сур'ёзных пагроз тэрактаў пасля 11 верасня 2001 года. Датычыцца яна ў асноўным Аравійскага паўвострава, але выключаць магчымасць нападзенняў і ў іншых рэгіёнах нельга. Гэта пацвердзілі і амерыканскія сілавікі.
Марцін Дэмпсі, кіраўнік Аб'яднанага камітэта начальнікаў штабоў ЗША: Гэтым разам пагроза тэракта значна больш канкрэтная і небяспечная і накіраваная супраць мэт не толькі ЗША, але і Захаду ў цэлым.
Як бы тое ні было, пакуль тэрактаў атрымліваецца пазбегнуць. На Блізкім Усходзе і ў Афрыцы зачыненыя 21 пасольства і консульства ЗША. Калі яны адкрыюцца - пакуль не вядома. Раней тэрарыстычную пагрозу падоўжылі на тыдзень - да суботы. Аднак вымушаныя канікулы, здаецца, могуць зацягнуцца да восені.
Прыкладу ЗША рушылі ўслед і некаторыя дыппрадстаўніцтвы Францыі, Германіі, Вялікабрытаніі і Канады. А напярэдадні яшчэ і Нарвегіі. Улады Бельгіі таксама паведамілі аб прыняцці прэвентыўных мер супраць тэрарыстычнай небяспекі - у краіне ўзмоцнена прысутнасць паліцыі ў стратэгічных месцах. Акрамя таго, лонданскі Хітроў узмацніў жорсткасць надгляду пасажыраў і багажу на рэйсах авіякампаній, якія накіроўваюцца ў Паўночную Амерыку.
Чарльз Ален, намеснік дырэктара ЦРУ, 1998 - 2005 гг.: Мы ведалі аб нападзеннях, і за межамі ЗША прынялі ўсе меры засцярогі. Супраць нас рыхтуюцца тэракты, якія будуць нагадваць не 11 верасня, а нешта яшчэ больш нябачанае. Магчыма, будуць выкарыстоўвацца інавацыйныя бомбы для паражэння людзей або картэжаў. Амерыка добра абароненая, але мы турбуемся за амерыканцаў і нашы кампаніі за мяжой - яны-та і могуць пацярпець.
Характэрна, што Агенцтва нацыянальнай бяспекі ЗША зараз ва ўсю трубіць: менавіта скандальна вядомая праграма сочкі за паведамленнямі ў Інтэрнэце, размова аб якой ідзе ў выкрыццях Эдварда Сноўдэна, і дапамагла выявіць тэрарыстычную пагрозу. А амерыканскія чыноўнікі патрабуюць павялічыць фінансаванне падобных праграм. Няўжо ніякай пагрозы няма, а ёсць толькі спланаваная Вашынгтонам аперацыя па рэабілітацыі Вялікага брата?
