Сірыя гатовая даць экспертам доступ да авіябазы Шайрат для праверкі

13 Красавіка 2017

Сірыя гатовая даць экспертам з Арганізацыі па забароне хімічнай зброі доступ да авіябазы Шайрат для праверкі. З адпаведнай заявай на пасяджэнні Савета Бяспекі ААН выступіў пастаянны прадстаўнік Сірыі Башар Джаафары.

Спецыялісты атрымаюць магчымасць зрабіць высновы аб тым, ці захоўваўся там зарын, які, як сцвярджаюць заходнія краіны, прымянілі ў горадзе Хан-Шэйхун. Напярэдадні Расія заблакіравала ў Савеце Бяспекі заходні праект рэзалюцыі па хіматацы ў Ідлібе, якая мела месца 4 красавіка. Дакумент падалі Вялікабрытанія, ЗША і Францыя, усклаўшы адказнасць за здарэнне на сірыйскі ўрад. Рэзалюцыю падтрымалі 10 членаў Савета Бяспекі. Супраць яе прыняцця таксама прагаласавала Балівія. Устрымаліся - Кітай, Казахстан і Эфіопія.

Падчас напружанага пасяджэння ў Савеце Бяспецы Брытанія абвінаваціла Расію ў злоўжыванні правам вета пры абароне пазіцый прэзідэнта Сірыі Башара Асада, заявіўшы, што "Масква страціла давер".

Прадстаўнік Расіі Уладзімір Сафранкоў адрэагаваў адэкватна.

Прэс-сакратар прэзідэнта Расіі Дзмітрый Пяскоў жорсткую размову пракаменціраваў: "Нічога абразлівага сказана не было. Тэмы дыскусіі вельмі вострыя ў Савеце Бяспекі. Часта яны тычацца сутнасці і будучыні міжнародных адносін, а праяўленне мяккацеласці небяспечна наступствамі".