Полымя ўзнікла раніцай у зале чакання і, паводле слоў відавочцаў, агонь вельмі хутка распаўсюдзіўся па ўсім будынку. Дым быў бачны за некалькі кіламетраў. Аэрапорт зачынены для ўзлёту і пасадкі паветраных судоў, пасажыры і частка супрацоўнікаў эвакуіраваны. Інфармацыі аб загінуўшых і пацярпелых пакуль не паступала. На гэты момант пажар удалося лакалізаваць. Вядзецца расследаванне прычын інцыдэнту.
