Наймацнейшы за апошнія 50 гадоў тайфун абрушыўся на курорты Тайланда

Сіла ветру дасягае 25 метраў за секунду. Чакаецца, што ён закране такія астравы, як Пхукет, Крабі і Самуі. Адпачывальнікаў папярэдзілі аб разгуле стыхіі, папрасіўшы не купацца ў моры. Выхад маламерных судоў у мора забаронены. Там чакаюцца хвалі вышынёй да пяці метраў. Улады сцвярджаюць, што ёсць усё неабходнае, каб ліквідаваць наступствы ўраганнага ветру. Пры гэтым шторм закране толькі паўднёвыя правінцыі Тайланда. Сталіца Бангкок і турыстычная Патайя ў бяспецы. Паводле інфармацыі сіноптыкаў, шторм скончыцца да канца тыдня. Ураган таксама чакаюць у В'етнаме і ў Камбоджы, але да таго моманту ён ужо страціць сваю сілу.