Паўночны ўсход ЗША закідвае снегам

Каля 200 000 чалавек у 6 амерыканскіх штатах засталіся без электрычнасці ад багатых снегападаў. Снежная бура ўзнялася напярэдадні Дня Падзякі. Электрычныя правады рваліся ад дрэў, якія падалі, і абледзянення. У штаце Нью-Хэмпшыр без святла засталіся больш за 160 000 чалавек. Яшчэ каля 100 000 сустракалі свята ў прыцемках у суседнім штаце Мэн. Сітуацыю пагоршыла ДТЗ, у выніку якога аўтамабіль пашкодзіў адну з апор лініі электраперадачы. Улады заклікалі мясцовых жыхароў часова пазбягаць паездак на аўтамабілях, каб не ствараць затораў на дарогах.