Сёння ўступіў у сілу прыгавор у дачыненні Надзеі Саўчанкі

У канцы сакавіка ўкраінская лётчыца была прызнаная вінаватай Данецкім гарадскім судом Растоўскай вобласці ў забойстве, замаху на забойства і незаконным перасячэнні расійскай мяжы. Паведамляецца, што за гэты час прыгавор абскарджаны не быў. Канчатковае пакаранне - 22 гады калоніі агульнага рэжыму, а таксама штраф у памеры 30 тысяч рублёў. Тэрмін пакарання лічыцца з моманту арышту, 30 чэрвеня 2014 года. Паводле слоў адвакатаў асуджанай, Саўчанка ўжо заўтра аб'явіць сухую галадоўку.