Сёння ў Манака адзначаюць Дзень Князя

Сёння ў Манака адзначаюць Нацыянальны дзень або Дзень Князя. Гэта адно з самых галоўных святаў у манархіі, таму ў ім прымаюць удзел усе члены княжай сям'і, нават самыя маленькія. З раніцы княгіня Шарлен і князь Альбер Другі віталі грамадзян з балкона палаца, а затым сям'я адправілася, паводле традыцыі, у кафедральны сабор на святочную імшу. Паколькі другая назва свята Дзень Князя, Альбер прымаў непасрэдны ўдзел ва ўрачыстасцях: ён са світай удзельнічаў у ваенным парадзе княжай гвардыі. Неад'емнай часткай святкавання з'яўляецца і оперны спектакль, які пройдзе ў найбліжэйшыя гадзіны ў Монтэ-Карла. А пасля тэатральнай пастаноўкі гледачоў чакае феерверк.