Зоркі Галівуда ў прадчуванні. Сёння ў Лос-Анджэлесе назавуць намінантаў на кінапрэмію "Залаты глобус". У барацьбе за запаветную статуэтку будуць змагацца знакамітыя акцёры, рэжысёры і тэлевізійныя фільмы.
Імя аднаго з уладальнікаў "Глобуса" ужо вядомае: ганаровая ўзнагарода за дасягненні ў галіне кінематографа будзе ўручана акцёру і прадзюсару Джорджу Клуні. Сама ж цырымонія, з традыцыйнай дывановай дарожкай, пройдзе ў студзені. Нагадаем, "Залаты глобус" - другая па значнасці і важнасці ўзнагарода пасля "Оскара".
