Сёння Каралева Вялікабрытаніі Лізавета II наведала свайго пакуль яшчэ безназоўнага праўнука. Манаршая асоба прыехала ў Кенсінгтонскі палац - лонданскую рэзідэнцыю прынца Уільяма і герцагіні Кембрыджскай Кейт. Пазней прыбыў і прынц Гары, які таксама ўпершыню ўбачыў пляменніка. Падчас візіту манарха Кейт і Уільям, меркавана, параіліся з Лізаветай II аб тым, як назваць сына. Так гістарычна склалася, што каралева павінна зацвердзіць імя любога каралеўскага дзіця, хоць ужо гэта стала фармальнасцю.
