Шэраг дзяржаў Персідскага заліва гатовы размясціць войскі ЗША на сваёй тэрыторыі

Шэраг дзяржаў Персідскага заліва гатовы размясціць войскі ЗША на сваёй тэрыторыі, а таксама амерыканскія караблі ў сваіх тэрытарыяльных водах. Аб гэтым паведаміла сёння газета "Аш-Шарк аль-Аўсат". На тыдні прэзідэнт ЗША Дональд Трамп адзначыў, што ён спадзяецца пазбегнуць вайны з Іранам. У той жа час вярхоўны лідар Ірана аятала Алі Хаменеі заявіў, што Тэгеран не мае намеру весці вайну са Злучанымі Штатамі. Тым не менш, ЗША працягваюць сцягваць ударныя сілы ў раён Персідскага заліва. Ужо вядома, што туды прыбылі ваенныя караблі на чале з авіяносцам "Аўраам Лінкольн" і зенітна-ракетны комплекс "Пэтрыёт".