Роўна месяц ЗША жывуць у рэжыме шатдаўна

Амерыканскі прэзідэнт называе "вялікімі патрыётамі" дзяржслужачых, бо яны працуюць бясплатна, а іх сотні тысяч. Тым не менш усё больш амерыканцаў лічаць сябе заложнікамі палітычнай вайны, якая развязалася паміж кіраўніком Белага дома і дэмакратамі ў кангрэсе з-за фінансавання сцяны на мяжы з Мексікай. У Паўночнай Караліне аб’явілі аб змяненні меню школьных сняданкаў: дзяцей пераводзяць на сухпаёк. Скарачэнне фінансавання вось-вось ударыць і па праграме талонаў на ежу для маламаёмных.