Расійскія ўлады абвінавачваюцца ў арганізацыі кібератак на амерыканскія палітычныя структуры

Міністэрства ўнутранай бяспекі ЗША і ўпраўленне нацыянальнай разведкі краіны выпусцілі сумесную заяву, у якой афіцыйна абвінавацілі расійскія ўлады ў арганізацыі кібератак на амерыканскія палітычныя структуры. Ведамствы ўдакладняюць, што гаворка ідзе аб публікацыі на сайтах "Дысілікс" і "Вікілікс" электроннай перапіскі амерыканскіх палітыкаў, а таксама аб дзейнасці хакера, які ўзяў на сябе адказнасць за ўзлом сервераў Дэмакратычнай партыі ЗША. У Крамлі абвінавачанні адмаўляюць.