Расіяне на перыяд непрацоўных дзён у краіне пачалі масава скупляць пуцёўкі ў Егіпет

Выціснуць з міні-лакдаўна ўсё па максімуме. Расіяне на перыяд непрацоўных дзён у краіне пачалі масава скупляць пуцёўкі ў Егіпет. Сезон у Турцыі ўжо завяршаецца, таму турысты перабіраюцца ў гарачэйшыя краіны. Як адзначаюць турагенты, месцаў у гатэлях Шарм-Эль-Шэйха і Хургады практычна не засталося, турыстам прыходзіцца чакаць пацвярджэнне пуцёўкі з Егіпта па некалькі дзён. Некаторым гатэлі адмаўляюць банальна з-за няздольнасці прыняць у сябе такую колькасць ахвочых. У сувязі з ажыятажам палётная праграма з Беларусі ў Егіпет істотна адкарэктавана. А некаторыя чартары з абласных гарадоў, як паведамлялася, зусім адмянілі.