Напярэдадні Расія заблакіравала ў Савеце Бяспекі ААН заходні праект рэзалюцыі па хіматацы ў Ідлібе 4 красавіка. Дакумент падалі Вялікабрытанія, ЗША і Францыя, усклаўшы адказнасць за здарэнне на сірыйскі ўрад. Рэзалюцыю падтрымалі 10 членаў Савета Бяспекі. Супраць яе прыняцця таксама прагаласавала Балівія. Устрымаліся Кітай, Казахстан і Эфіопія.
Падчас напружанага пасяджэння Брытанія паспрабавала абвінаваціць Расію ў злоўжыванні правам вета пры абароне пазіцый прэзідэнта Сірыі Башара Асада, заявіўшы, што "Масква страціла давер". Прадстаўнік Расіі Уладзімір Сафранкоў адрэагаваў жорстка.
Прэс-сакратар прэзідэнта РФ Дзмітрый Пяскоў падтрымаў расійскага дыпламата і яго словы ў Савеце Бяспекі пракаменціраваў так: "Нічога абразлівага сказана не было. Тэмы дыскусіі вельмі вострыя ў Савеце Бяспекі. Часта яны тычацца сутнасці і будучыні міжнародных адносін, а праяўленне мяккацеласці небяспечна наступствамі".
