У брытанскім Солсберы пасля васьмімесячнага перапынку расчыніў свае дзверы для наведвальнікаў рэстаран Zizzi, у якім абедалі бацька і дачка Скрыпалі ў дзень свайго атручвання.
Раней брытанскія ўлады заяўлялі, што будынак, дзе размешчаны рэстаран, можа быць знесены з меркаванняў бяспекі. Аднак пасля дбайнай дэзынфекцыі і праверкі рэстаран аб'яўлены бяспечным. Сёння кліентам дазволяць плаціць, колькі яны пажадаюць. А ўсе атрыманыя грошы за аўторак пойдуць на дабрачыннасць. Так установа хоча падтрымаць мясцовую суполку. Міжнародны скандал, які выліўся з-за "справы Скрыпалёў", адпужаў падарожнікаў. Нагадаем, пацярпелыя Сяргей Скрыпаль і яго дачка Юлія былі атручаныя нервова-паралітычным рэчывам "Навічок". Брытанскі бок лічыць, што да гэтага інцыдэнту мае дачыненне Масква. Расія ўсе абвінавачанні адхіляе.
