Парламент Украіны пазбавіў недатыкальнасці Надзею Саўчанку. Дэпутаты далі згоду на прыцягненне яе да крымінальнай адказнасці, затрыманне і арышт. Генпракуратура Украіны падазрае Саўчанку ў падрыхтоўцы тэракта ў будынку Вярхоўнай рады. Да пачатку галасавання Саўчанка вырашыла эпаціраваць аўдыторыю. Дэпутат прыйшла на пасяджэнне Рады з гранатамі. У пакеце ляжалі два плады граната. Саўчанка прыгразіла: "Вельмі важна паказаць зараз вам, што вы ходзіце вельмі блізка ад смерці. Вас усіх палохае - былі ў мяне гранаты або не былі. Былі ў мяне гранаты. Вось".
Рашэнне аб пазбаўленні Надзеі Саўчанкі недатыкальнасці дэпутаты прынялі аднагалосна. Крымінальная справа расследуецца па сямі артыкулах. Пасля затрымання падазроная пешкі ў суправаджэнні праваахоўнікаў прыйшла ў ізалятар Службы бяспекі Украіны і на парозе заявіла: "Улада свой выбар зрабіла, зараз выбар за вамі".
