Расстрэл людзей у тэхаскім Эль-Паса класіфікаваны як унутраны тэрарызм

Пра гэта паведамляе шэраг амерыканскіх СМІ. Стралку ўжо прад'явілі абвінавачанні ў забойстве з абцяжваючымі акалічнасцямі. Гэта можа павярнуцца вынясеннем смяротнага прысуду. Нагадаем, узброены напад на гандлёвы цэнтр "Уолмарт" учыніў 21-гадовы мужчына напярэдадні. Загінулі 20 чалавек, 26 былі параненыя. 

З'явіліся і падрабязнасці страляніны ў горадзе Дэйтан, штат Агая. Ахвярамі злачынца сталі яго сястра і яе бойфрэнд. У паліцыі мяркуюць, што менавіта пасля забойства дзяўчыны дэйтанскі стралок стаў бязлітасна расстрэльваць тых, хто трапляўся яму на вочы. Загінулі 9 чалавек, 26 атрымалі раненні. У ЗША аб'яўлена нацыянальная жалоба. 

А ў адным з паркаў Чыкага ў Ілінойсе мужчына адкрыў страляніну з машыны. Стан аднаго з пацярпелых ацэньваецца як крытычны. Стралка шукаюць. 

Прэзідэнт Беларусі Аляксандр Лукашэнка накіраваў спачуванне Прэзідэнту ЗША Дональду Трампу ў сувязі са шматлікімі ахвярамі масавых забойстваў у Эль-Паса і Дэйтане.