Прафсаюз супрацоўнікаў ірландскага лаўкостара Ryanair бастуе з патрабаваннем палепшыць умовы працы. Гэта стала непрыемным сюрпрызам напярэдадні велікодных канікул для пасажыраў у Партугаліі. Затрыманыя і адмененыя некалькі рэйсаў. У забастоўцы прымаюць удзел 90% бортправаднікоў. Ryanair працуе ў пяці аэрапортах Партугаліі. Пратэсты пройдуць таксама заўтра і 4 красавіка.
