Прэзідэнт Польшчы падпісаў новы закон аб выбарах

Прэзідэнт Польшчы падпісаў новы закон аб выбарах кіраўніка дзяржавы. Гэты дакумент дазваляе праводзіць галасаванне ў тым ліку і па пошце. Навацыі выклікалі рэзкае непрыняцце ў апазіцыйных палітычных сіл, паколькі, на думку шэрагу экспертаў, ствараюць магчымасці для маніпуляцый. Каранцін перашкодзіў правядзенню выбараў у прызначаны тэрмін: яны павінны былі адбыцца яшчэ 10 мая. Зараз, з уступленнем у сілу новага закона, будзе вызначаны новы дзень галасавання - не пазней за 28 чэрвеня. Паўнамоцтвы дзеючага кіраўніка дзяржавы Анджэя Дуды заканчваюцца 6 жніўня.