Аб гэтым піша выданне "Таймс" са спасылкай на крыніцы ў брытанскім Кабінеце міністраў. З-за Брэксіту напярэдадні пасаду пакінула лідар большасці ў Палаце абшчын Вялікабрытаніі Андрэа Лідсам. Паводле яе слоў, у цяперашняга ўрада не атрымаецца давесці да канца выхад краіны з Еўрасаюза. Чарговая адстаўка, ужо 36-я, у кабінеце Мэй. Пры гэтым 21-на з іх была звязана з Брэксітам. Раней прэм'ер чарговы раз паспрабавала атрымаць падтрымку парламента па тройчы адпрэчаным ім пагадненні аб выхадзе з ЕС. Быў прапанаваны шэраг саступак. Мэй, у прыватнасці, паабяцала правесці галасаванне аб правядзенні другога ўсеагульнага рэферэндуму па Брэксіце.
Прэм'ер-міністр Вялікабрытаніі Тэрэза Мэй ужо заўтра можа сысці ў адстаўку
23 мая 2019