Прэм'ер-міністр Вялікабрытаніі Тэрэза Мэй саступіла патрабаванням лейбарыстаў і гатова апублікаваць план па Brexit, каб не дапусціць расколу ў партыі.
План выхаду Брытаніі з ЕС аказаўся на грані зрыву, бо прадстаўнікі кансерватыўнай партыі ў парламенце і ўрадзе ўзбунтаваліся супраць свайго лідара. Каля 40 торы насуперак вынікам рэферэндуму гатовыя падтрымаць праеўрапейску настроеную апазіцыю, каб максімальна затармазіць выхад Каралеўства з ЕС. Апазіцыя запатрабавала ад Тэрэзы Мэй "апублікаваць план перш чым будзе задзейнічаны 50-ы артыкул Лісабонскага дагавора".
